「天然」及「有機」到今日仲傻傻分不清楚? 醜死鬼啦!即刻教你點樣分 (上)
Beauty Blog

「天然」及「有機」到今日仲傻傻分不清楚? 醜死鬼啦!即刻教你點樣分 (上)

現今,市面上標榜「天然」及「有機」嘅護膚品何其多,但係要分得出咩為之「天然」咩為之「有機」就無乜人可以答得出嘞!為咗幫大家成為精明嘅消費者,小編即刻教你簡單分辨「天然」同「有機」產品,再順便講埋你知點可以一眼就睇得出佢係「有機」,以後買護膚品就可以 buy smart 啦!

記住「天然」唔等於「有機」嫁!

好多人都以為天然 (Natural) 同有機 (Organic) 分別不大,有啲仲以為係同一樣野嚟嫁添,咁諗當然係大錯特錯啦!

(source from: USDA Organic)

簡單講,天然護膚品係泛指成分含源於大自然 (植物或海洋生物) 而非人工生產嘅產品,生產過程無添加人工香料、色素及石油化學產品等對皮膚有害嘅成份;但種植過程不排除會使用化肥、殺蟲劑及催生激素等化學物質。

有機護膚品嘅原材料同樣係來自大自然 (植物或海洋生物),同樣嚮生產過程無添加人工香料、色素及石油化學產品等對皮膚有害嘅成份,但係種植過程要嚮全無人工或化學成分嘅天然環境中生長;而最重要係,稱得上「有機」產品係需要得到有機認證嘅。

如果以去超級市場買生果做例子,超市買到嘅生果不論有無包裝得靚靚仔仔卻都可以叫「天然」;而稱得上「有機」,就必須要嚮產品度搵到有機認證 label 先至得,而有機認證 label 並唔係隨隨便便自己貼上去就可以嫁,係要由國際級嘅有機認證機構進行過唔同有機測試同評核之後,各方面達標先可以攞到嫁!

相對黎講,叫「天然」就簡單得多嘞,一個蘋果,就算嚮農夫種植過程中有用過化肥、殺蟲劑及催生激素等化學物質,都可以叫做「天然」農產品;但係稱得上「有機」嘅產品,種植過程係絕對唔可以用化肥,農藥同人工催生劑等化學物質嫁,而種植環境、土壤、水質及肥料等都必須要達到有機認證機構嘅標準先可以拎到個有機認證 label 嫁,所以大家明白點解「有機」護膚品一般都會貴少少啦,正所謂 "Price reflects quality" 吖嘛!

如果有興趣知道全球有邊啲具權威性嘅有機認證機構 (即係可以有權出 Organic label 俾品牌嘅機構) ,同埋佢地點樣將 organic 產品分 grade,請留意下回分解!

>>>「天然」及「有機」到今日仲傻傻分不清楚? 醜死鬼啦!即刻教你點樣分 (下)