「星空藍」普羅旺斯鮮花純露 -  來自梵高國度的純天然有機精油護膚品牌 Florame
Beauty Blog

「星空藍」普羅旺斯鮮花純露 - 來自梵高國度的純天然有機精油護膚品牌 Florame

“Starry, starry night

Paint your palette blue and grey

Look out on a summer's day

With eyes that know the darkness in my soul…”

<<Vincent – Don McLean>>

聽到呢首英文老歌,相信大家都會諗起畫家梵高 (Vincent Van Gogh) 同佢幅名畫星空 <<The Starry Night>>。曾經因為太愛兩部梵高電影 <<At Eternity’s Gate>> 同  <<Loving Vincent>> 嘅關係而走到南法普羅旺斯  (Provence) 嘅小鎮聖雷米,踏足梵高晚年入住嘅精神療養院,唔講唔知呀,好多佢聞名於世嘅畫作都係嚮療養院度完成嫁,好似佢最出名嘅 <<The Starry Night>> 同  <<Irises>>,就係梵高住院後所畫嫁嘞。

 

漫遊過梵高嘅足跡,約車程 10 分鐘左右去到一個名為 Florame 嘅純天然有機精油護膚品牌博物館,眼前除左一大片浪漫嘅薰衣草田之外,仲仍然會瞥見梵高嘅「星空藍」嫁,點解?

 

事關品牌 Florame 嘅 signature 產品之一 - 花水純露 (Organic Floral Water) 就係用「星空藍」嘅顏色樽盛載嫁嘞,非常之咁搶眼,而呢個咁靚嘅藍色樽仲有阻隔陽光嘅作用,令花水純露唔會因為日曬而變質嫁。不過,嚮介紹下呢支花水純露之前,等我先講少少品牌歷史俾大家聽下先啦!

Florame 品牌歷史

品牌 Florame,法文意思係「花嘅靈魂」嚮 1990 年成立,由最初只造精油到後黎製作一整系列嘅香薰護膚產品。佢地嘅總部設立嚮 St. Remy,當地不僅盛產薰衣草,山地上面仲生長左唔少珍貴嘅藥用植物。品牌就用山上採摘番黎嘅花、根、莖同葉用蒸餾方式提取精油 (essential oil),仲慢慢用精油製造出唔同類型嘅純天然有機皮膚護理產品添。

 

Florame 品牌嘅有機精油每一小樽都係 100% 純天然植物精油,無稀釋無再合成、無防腐劑、無人工香精、無化學合成劑,擁有法國 cosmebio 有機認證,有機農業認證及歐盟 ECOCERT 有機認證嫁,絕對真材實料,無花無假。

品牌創辦人 Michel Sommerard 當地建立嘅香薰博物館嚮法國好出名嫁,好多黎普羅旺斯遊覽薰衣草花田嘅遊客都一定會順便去參觀埋嘅。館裡面最令人嘆為觀止嘅係裡面整齊排列嘅幾百支精油,強迫症患者放心,排得咁整齊,見到一定唔會病發嫁!

館長力薦嘅花水純露

Florame 除左最出名嘅精油之外,館長極力推薦嘅係花水純露 (Organic Floral Water)。花水純露係植物經過蒸汽或者水蒸餾過程中自然形成嘅水溶液。真正嘅純露只含有植物蒸餾溶液、少量精油同植物本身嘅香味,百分百純天然無添加。平時市面上買到嘅花水好多都加左酒精同其他化學溶劑稀釋而成嫁,咁樣護膚療效就會大大減少,而化學成分仲分分鐘會令皮膚敏感添嫁!

 

花水純露功效

唔同嘅花水純露針對唔同嘅膚質,以下推薦兩款小編覺得比較特別同啱香港女仔用嘅俾大家:

有機矢車菊純露 (Bleuet)最好用黎做眼部護理,經常挨夜要開夜車嘅夜貓子一族可以用化妝棉浸濕黎敷眼,對消除眼部疲勞同去黑眼圈功效好顯注嫁。

>>>按此購買 

 

有機金縷梅純露 (Hamamelis) 保濕舒敏,具有舒緩鎮定作用,改善皮膚過敏,泛紅脫皮現象,連濕疹皮膚都用得嫁。

>>>按此購買 

 

使用小貼士

# 可當日常爽膚水用,用化妝棉輕輕按壓全面就得嫁嘞。

# 將化妝棉用花水浸濕,敷面大約 10 分鐘。一星期做兩至三次,能夠起到深層補水嘅作用嫁。嚮去完角質或者做完清潔面膜後用,皮膚會更加嫩滑添嫁。如果你係「痘痘肌」女孩,可以嚮花水入面加一兩滴茶樹精油,痘痘會謝得快好多嫁。