超人氣韓國洗髮露 Rebecoco - 韓妹大愛 回購率奇高 極速解決頭皮、頭油、脫髮及稀髮問題
Beauty Blog

超人氣韓國洗髮露 Rebecoco - 韓妹大愛 回購率奇高 極速解決頭皮、頭油、脫髮及稀髮問題

去韓國旅行,最留意嘅係,大部分韓國女仔都擁有一頭濃密又柔順嘅頭髮,真係羨慕嫉妒恨呀!再望望自己又乾又「碎濕濕」嘅爛髮,真係想即刻搵窿捐呀!

叫得佢「滴滴金」絕對唔係浪得虛名

近來透過好同事大力推介,認識左呢個來自泡菜國嘅品牌 Rebecoco。品牌最皇牌嘅產品係佢一支名為「滴滴金」嘅洗髮露 (Golden Drip Dew Therapy Shampoo)

佢同坊間一般嘅洗髮水唔同,佢係利用品牌專利嘅露水蒸餾技術,通過蒸餾 12 種漢方天然草本精華而成,當中一滴水都無加過入去嫁,所以成支洗髮露都係濃縮嘅中藥營養修護精華,超級補!由此可見,叫得佢「滴滴金」絕對唔係浪得虛名嫁!

俾頭皮食靈丹 漠荒都變番綠洲

洗髮露入面有嘅 12 種漢方天然草本精華有黃漆樹皮原液、枇杷樹、紫蘇、三白草、苦參、下菖蒲、甘草、長壽菜、前芥、枸杞子、黃花喬及夜交藤。當中佔成支洗髮露 40% 嘅原材料黃漆樹皮原液係南韓三大靈藥之一 (又稱「不老草」),科學研究證實,黃漆有效控制皮脂分泌且具活血抗菌功能,強韌髮根促進頭髮再生。

唔少韓國試用者用左三個星期至三個月時間,頭油及頭皮問題改善左、頭瘡及發炎問題解決左、中間分界位頭髮明顯多左濃密左、頭髮都甩少左添!

咁好用,唔怪得品牌嘅官方網站嚮短短兩年幾已經累積左 17 萬會員,深受韓妹愛戴,回購率極高,仲大受佢地好評添呀!

 

煉「金」術 –  飛一程倫敦嘅時間先蒸餾出 1/10

當我聽到支洗髮露嚮蒸餾過程之中一滴水都無加嘅時候,我第一時間諗到「滴雞精」,因為「滴雞精」同樣都係運用蒸氣回流嘅原理,將雞嘅精華迫出黎,全程一滴水都唔加,雞嘅最精萃到最後全部留番低,過程無被稀釋過,仲唔係精華之中嘅精華?

品牌透露,要蒸餾出 20 公升「滴滴金」需時 10.5-12 個鐘;咁換句話講,一支 250 公升嘅「滴滴金」即係需要成 130-150 個鐘嘅蒸餾時間,真係可以講話係滴滴精華,滴滴珍貴呀! 聽完之後,每次洗頭都真係唔捨得倒咁多出黎用呀!

(「滴滴金」製作過程)

溫和嘅五「無」

平時成日以為洗頭越起得多泡越乾淨,但係原來鹼性洗淨力太強,就會將頭皮所需要嘅少量油分同水分都洗走埋,令細菌更加容易滋生。Rebecoco「滴滴金」性質溫和,酸鹼值屬 pH5.5 (弱酸性) ,係令皮膚 keep 住健康同毛髮正常生長最理想嘅環境。

此外,值得一提嘅係,「滴滴金」係五「無」- 即係無硫酸鹽 (Sulfates)、無苯氧乙醇 (Phenoxyethanol)、無對羥基苯甲酸酯 (Paraben) 、無人造色素同無化學防腐劑呢五種會刺激皮膚嘅成分,所以不論孕婦定阿婆,細蚊仔定大人都啱用嫁!

眼見介紹我用「滴滴金」嘅好同事用左幾個禮拜,頭髮順滑左不特止,望落仲豐盈左唔少,親眼見到效果,事實擺在眼前,真係唔洗用把口 sell 我都識得乖乖拎銀包俾錢!>>>按此購買 

依家買一支 Rebecoco 「滴滴金」已經可以免運費嫁嘞,仲唔趁呢幾個禮拜 keep 番一頭柔順靚髮,等聖誕去 party 可以盡情咁騷首弄姿撥行把秀髮?