破解 10 個 must 識護膚產品標籤密碼    3 分鐘化身「美容達文西」  做個 smart shopper
Beauty Blog

破解 10 個 must 識護膚產品標籤密碼 3 分鐘化身「美容達文西」 做個 smart shopper

問身邊十個女仔:「你地買護膚品有無留意包裝上面嘅標籤嫁?」十個都答無!實在太無知嘞!唔了解清楚護膚品來源同特性就隨隨便便咁搽上身搽上面,過左期又唔知、可以存放幾耐又唔知、邊度製造又唔清楚,點得嫁?就用短短 3 分鐘淥一個杯麵嘅時間去認識 10 個常見嘅護膚品標籤啦!下次同閨蜜 shopping 買 skincare 時,你就可以化身「美容達文西」,幫佢破解下護膚品上面嘅標籤密碼,等佢有名目請你食飯吖嘛!

破解標籤密碼 1 – 有數字嘅罐罐

未開封嘅護膚品一般有效期為 3 年,但係開左封之後經過空氣接觸,保質期就會縮短。要知道開封之後嘅保質期就要留意呢的個有數字嘅罐罐圖示嘞。罐頭內嘅 字代表月份 (month),數字就係指產品開封之後仲可以放幾多個月,例如:「12M」即係代表產品要嚮開封之後嘅 12 個月內使用。

破解標籤密碼 2 – Barcode 頭 個或 個數字

即使係屬於某國嘅大品牌產品,都唔代表產品係嚮當地製造嫁!護膚品 barcode 其實就可以講到俾我地知產品來源嘞!Barcode 頭 2 個或 3 個數字係國家嘅代碼,係指產品嘅生產國家。例如:上圖嘅 Dior 面霜,頭三個數字係 334,即係代表佢嚮法國生產。

常見嘅國家及地區代碼參考:

000-019美國     

300-379 法國     

400-440德國

450-459 / 490-499日本       

471台灣

690-695 中國

800-839意大利

840-849西班牙

880韓國

885泰國

930-939澳洲

有時見有啲產品雖然係法國牌子,但係睇真啲代碼先知原來係中國 (國家代碼:690-695) 製造嫁,所以識得睇代碼就唔會唔小心買到「山寨貨」啦!

 破解標籤密碼 3 – 可愛兔兔

愛護小動物連我朋友 3 歲囡囡都曉,以動物實驗黎測試產品實在聽見都心寒,好多小動物因為被進行各種實驗測試而受到各種方式嘅虐待,甚至虐待至死,淪為實驗犧牲品。本住一顆善良嘅心,我地好應拒絕動物測試,尊重大自然同愛惜生命嫁嘛!可愛兔兔 "Cruelty Free" 標誌係用黎證明產品嚮整個生產過程中無傷害過任何動物,係由名為 "PETA" 嘅機構頒發嘅,係美國最嚴格嘅反動物實驗國際認證黎嫁。

 

(左:國際反動物實驗認證機構 - Cruelty-Free International ; 右:澳洲反動物實驗認證機構 - Choose Cruelty-Free)

其他機構如 "Cruelty-Free International" 同 "Choose Cruelty-Free" 頒發嘅 anti-animal testing 認證個兔兔 logo 係唔同嫁!

破解標籤密碼 4 – 向右指嘅箭咀

呢個向右指嘅箭咀標籤名為 "The Green Dot Symbol",一般會嚮環保產品包裝上見到,代表生產商致力減低生產時所產生嘅廢料,並且會將資源循環再用,係支持環保嘅品牌認證之一。

破解標籤密碼 5 - 循環嘅箭咀

呢個循環嘅箭咀名為 "Recycling Symbol",代表產品係用可循環再生嘅物料製造,由生產到使用,直至最後回收,都符合生態平衡同綠色環境保護嘅要求。用完之後仲可以回收再拎黎做其他野添。

破解標籤密碼 6 - 有數字同英文字嘅循環箭咀

 

循環嘅箭咀標籤有時仲會附上數字及英文字,佢地係生產材料同形態嘅代號,常見有PET - 即係聚對苯二甲酸乙二醇酯 (塑膠材質嘅一種) 嘅英文縮寫 (Polyethylene Terephthalate) ;而 「01」就係代表透明汽水及飲品樽嘅代碼。更多塑膠回收代號及代碼分類可參考以上由綠色和平提供嘅分類列表。

破解標籤密碼 7 – 熊熊烈火

火焰標誌係一個安全標籤,警惕用家產品係可燃性 (flammable),存放嘅環境需要保持乾燥,唔可以曝曬同靠近熱源。一般有呢個標籤嘅產品有 hair sprayhair mousse香水同指甲油。

破解標籤密碼 8 - 手指指住本書

呢個有手指指住本書嘅標籤,名為 "Further Information Logo",係用黎提醒用家嗰件產品係附有說明書嘅,使用產品之前可以睇睇產品嘅正確用法先嫁。

破解標籤密碼 9 - 漏斗

呢個漏斗 (Hourglass) 標誌係講你知產品不論開左封未,都只係可以存放 30 個月以內嫁咋,所以見到呢個漏斗,就要先睇下包裝上面個生產日期先,咁先可以計到產品仲淨番幾耐日子用嫁嘛!

破解標籤密碼 10 - 細階「e

要做個終極 smart shopper,呢個細階「e」字你唔可以唔知喎!佢叫 "Estimated Sign",通常跟住嚮產品重量後面嘅,代表產品嘅真實容量同包裝上所列明嘅容量係相同咁嘅意思。以後睇到呢個「e」字,就唔怕買左實際容量比包裝列明少嘅護膚品咁蝕底啦!