2019 天然澳洲護膚品推介必買!品牌 NOELLE 令你時刻猶如置身森林與海洋
Beauty Blog

2019 天然澳洲護膚品推介必買!品牌 NOELLE 令你時刻猶如置身森林與海洋

去旅行每當你聞到樹林嘅清草味又或者輕風吹來嘅海洋氣味會唔會令你特別 relaxed 同感覺特別身心舒暢嫁呢?小編個人特別鍾情森林嘅樹木香同海水嘅鹹香,旅行索一索,真係成個人舒筋活絡,感覺真係好 on vacation,乜野公司煩惱野通通忘記得一乾二淨。 

回歸現實世界,每次忙到頭昏腦脹,都好懷念假期戶外嘅樹木味同海水味,真係心諗,如果可以用樽裝起呢兩種氣味帶番屋企隨時聞到就好嘞!估唔到世間上真係有人同我諗法一樣,仲將呢件事付諸實行左添!

Noelle Australia 品牌誕生小故事

2006 年聖誕節,品牌創辦人同朋友去澳洲來個 long vacation,穿州過省,途中上過山頂、穿過沙漠荒野、橫越海洋又走入熱帶雨林。

每一道獨特嘅澳洲風景深深咁印左嚮佢地腦海入面,而每個環境嘅大自然氣息及各種植物嘅芳香佢地都一一記住。靜落黎嘅時候,佢地忽發奇想,想將澳洲大自然嘅氣息融入 daily skincare 入面,令每個人就算坐嚮 office 都可以透過佢地嘅護膚品隨時擁有 on vacation 嘅放鬆感覺,澳洲天然護膚品牌 Noelle Australia 就係咁樣誕生嫁嘞!

 

大獨有大自然特色

Noelle Australia 品牌分熱帶雨林 (Rainforest) 、沙漠 (Outback) 、叢林 (Woodland) 同海洋 (Marine) 四個系列,各具澳洲特有大自然色彩。

 

 

熱帶雨林「舒膚淨透」系列

香氣:茶樹 (Tea tree) + 薰衣草(Lavender) + 桉樹 (Eucalyptus)

  

含有豐富嘅茶樹 (Tea tree) 、薰衣草(Lavender) 同桉樹 (Eucalyptus) 天然植物精油,廣泛取材自澳洲嘅熱帶雨林,含抗氧化劑同活性植物,可以迅速恢復皮膚嘅柔軟性,同時軟化⻆質層,消除肌肉疲勞,草葉芳香有助放鬆緊張心情,緩解身體同心靈嘅疲勞。

系列當中最架勢嘅係佢支按摩油 (Stress Relief Massage Oil) ,佢榮獲左澳洲健康雜誌 Nature & Health「2019 最佳天然產品」大獎嫁!我地香港人生活咁大壓力,呢個系列就啱晒我地啦!

叢林「能量活膚」系列

香氣:野生芙蓉 (Rosella Flower) + 柑桔 (Mandarin) + 檸檬 (Lemon)

  

叢林系列嘅野芙蓉同蜜橘萃取係源自澳洲嘅叢林。嚮澳洲,野芙蓉係一種珍貴嘅本土花,含驚人嘅抗氧化、抗衰老及修復因子;柑桔同檸檬就含有非常豐富嘅維生素,唔單止可以保持皮膚水嫩,仲有助抑制黑色素添!

 

系列叫得 “Energy” 呢個名,就知道佢可以幫你提神啦!無錯!當中嘅柑桔同檸檬精油,可以幫你瞬間恢復活力,索一索真係老虎都打死幾隻呀!

沙漠「神秘煥潤」系列

香氣:澳洲佛螺菩提框東 (Santalum Acuminatum) + 金合歡籽油 (Acacia Victoriae) + 檀香籽油 (Fusanus Spicatus)

  

沙漠「神秘煥潤」系列混合左嚮澳洲乾旱地區同沙漠收集得黎嘅佛螺菩提框東同金合歡果嘅天然萃取,具抗氧化作用,提供細胞修復所需嘅蛋白質同營養,可以增強皮膚彈性,滋養肌膚,令皮膚慢慢回復番 BB 仔時咁柔軟光滑。

 

非常有寺院神韻、舒緩安心嘅檀香籽油香味能夠提升靈性,有淨化身心、消除疲勞同令繃緊心境即時放鬆嘅效果。

海洋「水漾新生」系列

香氣:塔斯曼尼亞褐藻糖膠 (Fucoidan Extract) + 薄荷 (Mentha Piperita) + 甜橙 (Citrus Aurantium Dulcis)

  

海洋「水漾新生」系列含有來自塔斯曼尼亞(Tasmania)海洋採集番黎嘅褐藻糖膠,可以深入滋養肌膚,增強抗衰老蛋白及皮膚防禦機制,同時增加皮膚水潤及光滑度。

 

系列產品入面嘅薄荷及甜橙混合天然精油會令你即時精神振奮;薰衣草就可以舒緩鎮靜情緒;天竺葵就可以平衡皮膚色調同減淡皺。咁多功效集於一身嘅護膚品,又可以提神、又可以幫你 relaxed、又可以抗衰老,年中真係可以慳番唔少呀 (師奶 mode 上身)!

 

愛護地球為己任

品牌以澳洲植物嘅自然無污染力量為理念,產品 100% 源自大自然、100%「純素」及 100%「零殘忍」,不含任何有害化學物質及不必要嘅成分。此外,品牌護膚品使用可降解技術 (Biodegradable technology) 同配方黎支持環保,唔單止係產品嘅樽同蓋,連產品內容 (即係液體本身) 都係用可降解配方研製而成嫁,夠晒愛護地球啦!對我呢啲 super 環保人士黎講,絕對係加分位啦!

>>>Shop Now while stocks last!!!